Dende Meufit comezamos cunha nova programación de clases en directo dirixida a tódolos públicos (dende pequenos a maiores) e que realizará o noso monitor Pablo dende as súa casa. Body Pump, cross meufit, mantemento, core, gap, mobilidade e estiramentos, estas son as actividades que desfrutaremos xuntos nesta etapa. Agardámosvos no noso perfil de instagram @meufitgym, dende esta rede social agardámosvos de luns a venres ás once da mañá e ás cinco da tarde para seguir gozando xuntos do deporte e continuar realizando actividade física dende casa. Agora mesmo é fundamental manternos activos e o exercicio é sempre un bo aliado. Agardámosvos equipo!!
Prevención, rigorosidade, tranquilidade e información. Esas son as pautas de actuación que seguiremos en Meufit con respecto á situación que se está vivindo en España polo COVID-19. Meufit, seguindo as pautas marcadas polas autoridades sanitarias, decidiu tomar unha serie de medidas de prevención nos seus centros deportivos, porque para nós o prioritario é a seguridade dos nosos traballadores e usuarios.
Desta forma, quizais vos destes conta de que desde hai uns días incrementouse en máis dun 25% as horas do servizo de limpeza nos nosos ximnasios, facendo especial fincapé nos puntos sensibles (nos que haxa contacto por parte de diferentes usuarios). Ademais, puxemos ao dispor dos nosos usuarios e usuarias dispensadores de xel desinfectante en diferentes puntos das nosas instalacións, para que poidades limparvos as mans tanto antes como despois de facer deporte.
A empresa tamén estableceu protocolos de prevención entre técnicos e usuarios, tan sinxelos como efectivos, tales como eliminar o contacto físico nos saúdos, manter unha distancia de seguridade entre as persoas ou evitar facer exercicios en parella.
Lembrade que todas as medidas que nos están recomendando estes días as autoridades sanitarias para a nosa vida diaria, son perfectamente aplicables a un centro deportivo, polo que insistimos na importancia de taparse a boca cando se tose, evitar tocar os ollos, nariz ou boca, non tocar as varandas ou outras superficies en zonas de paso e por suposto, lavarse as mans de forma exhaustiva con frecuencia. Todas elas teñen un obxectivo prioritario: A prevención e seguridade das persoas.
Así que os aconsellamos que sigades as recomendacións do Goberno e recordámosvos que no caso de que teñades algún dos síntomas referidos ao Coroa Virus (febre, tose, problemas respiratorios…) debedes poñervos en contacto telefónico co 061. Se te atopas mal, non acudas ao centro, para evitar poñer en risco de contaxio a outras persoas.
Desde Meufit queremos deixar claro que o máis importante é a saúde de todos os que conforman a familia Meufit, polo que nos anticipamos para ampliar as medidas de seguridade e estaremos moi atentos a todas as indicacións das autoridades sanitarias con respecto ao Corona Virus. E por suposto, seguiremos informándovos sobre a situación con total claridade.